NUTK-İ ŞERÎF
NUTK-İ ŞERÎF
Zikr-i Hakk her dü-serâ ‘âlî-makâm eyler seni
Hubb-ı Hakk ey nûr-ı dil vefk-ı merâm eyler seni
Dâimâ dîdâr-ı dildâr dilde musavver ise
Nazar-ı merhametiyle nîk-nâm eyler seni
Yâre yâr ol cân ile ağyâre kılma iltifât
Bu hidâyet dâhil-i bezm-i kirâm eyler seni
Hazret-i Mevlâ seni da’vet ider dîdârına
Fazlı ile nâil-i dârüsselâm eyler seni
Lutfiyâ Hakk’dan hidâyet kıl temennî dâimâ
Sıdk ile nazlı niyâzın hoş-be-kâm eyler seni
Alvarlı Efe Hâce Muhammed Lutfî
Kaddesallahu Sırrahu’l-Âlî
Sen de Yorum Yap